Muqdisho,(insidesomalia.org)- Manaasibada 1 Luuliyo oo ah Markii ay Xoriyada qaateen gobolada Koonfureed ee Soomaaliya islamarkaana ay midoobeen labada Gobol ee Waqooyi iyo Koonfurta ayaa Maanta laga Xusay qaybo ka mida Gobolada Dalka Soomaaliya.

Gobolada Banaadir,Bay iyo Gado ayaa waxaa ka dhacday Munaasibado lagu waynaynayo 48 guuradii ka soo wareegtay Maalintii ay Xoriyadda qaateen Gobolada Koonfureed ee dalka Soomaaliya islamarkana ay la Midoobeen Gololada Waqooyi ee Dalka Soomaaliya.

Magaalooyinka Muqdisho,Baydhabo iyo Baardheere ayaa Xalay ilaa iyo saakay waxaa ka Socday dabaal degyada si weyen loogu weeyneeynayo Munaasabada 1 Luuliyo oo ah Maalin ku wayn Shacabka Soomaaliyeed,waxaana Maanta Munaasabadahaasi qaar ka hadlay qaar ka mida Mus,uuliyiinta Dowlada KMG Soomaaliya waxana ay diirada kuwada saareen qudbooyinkooda Munaasabada 1 Luuliyo.

Degmada Baardheere ee Gobolka Gado ayaa waxaa ka dhacday Xaflado si weyn looga Xusay Manaasabada 1 luuliyo oo ah markii ay ka xoroobeen gumaysigii talyaniga iyo israacii labada Gobol ee Waqooyi iyo Koonfuta waxaana halkaasi isugu soo baxay dadweeyne aad u farabadan kuwaasi oo watay caleemo qoyan wadooyinka Magaaladana ku lugaynayay.

Munaasabadahaan ka dhacday qaybo badan oo ka mida dalka Soomaaliya ayaa waxaa inta badan lagu soo Bandhigay qaybaha kale duwan ee muujinaya wax yaabihii lagu Xasuusan jiray Munaasabada 1 luuliyo gaar ahaan heesihii ka tur jumayay munaasabada markii la raacdeeyay gumaystayaashii Talyaaniga iyo Ingariiska iyo israaci laba Gobol ee wadanka Soomaaliya.

Inkastoo Munaasabadahaan si weyn looga Xusay qaybo ka mida dalka Soomaaliya ayaa hadana waxaa jira dad iyagu sheegaya in ay munaasabadaan ku soo beegantay xili aad u uxun islamarkaana ay qaar ka mida gobolada dalka ay ka jiran dagaalo ay dad rayid ah ku dhimanayaan kaasi oo u dheeya Ciidamada Itoobiya iyo Xoogaga ka soo horjeeda Siyaasada Dowladda KMG Soomaaliya iyo Joogitaanka Ciidamada Itoobiya ee Dalka Soomaaliya.

Golaha Abwaanda Soomaaliyeed ayaa waxaa ay sheegeen in haatan aan loo baahnayn in loo dabaal dago munaasabada 1 Luuliya Xili ay wadanka joogaan Ciidamada Itoobiya kuwaasi oo gumaad ku haya Shacabka Soomaaliyeed waa sida ay hadalka u dhigeene.

Dalka Soomaaliya ayaa waxaa uu Xoriyada qaatay sanadkii 1960 bishii June oo ay ka Xoroobeen gumaystayaashii Talyaaniga iyo Ingiriiska ku waasi oo gumaysi ba'an ku hayay shacabka Soomaaliyeed taasi oo dhalisay in ay aas aasman 13 kii SYL oo ahaa dhalinyaradii dalka Soomaaliya Xoriyada u soo hooyay.